കര്‍ത്താവിന്‍റെ അത്താഴം – ശുശ്രൂഷക്രമം

“അത്യുന്നതങ്ങളില്‍ ദൈവത്തിനു മഹത്വവും, ഭൂമിയില്‍ ദൈവപ്രസാദമുള്ള മനുഷ്യര്‍ക്ക് സമാധാനവും ഉണ്ടാകട്ടെ. കര്‍ത്താവായ ദൈവമേ, സ്വര്‍ഗീയ രാജാവേ, സര്‍വ്വശക്തിയുള്ള പിതാവേ, ഞങ്ങള്‍ നിന്നെ സ്തുതിക്കുന്നു; ഞങ്ങള്‍ നിന്നെ വന്ദിക്കുന്നു; ഞങ്ങള്‍ നിന്നെ മഹത്വപ്പെടുത്തുന്നു; നിന്‍റെ വലിയ മഹത്വത്തിനായി ഞങ്ങള്‍ നിനക്കു സ്തോത്രം ചെയ്യുന്നു.

ഏകജാതനായ പുത്രനായ യേശുക്രിസ്തുവാകുന്ന കര്‍ത്താവേ, കര്‍ത്താവായ ദൈവമേ, പിതാവിന്‍റെ പുത്രനേ, ലോകത്തിന്റെ പാപം ചുമക്കുന്നവനേ, ഞങ്ങളുടെ പ്രാര്‍ത്ഥന കൈക്കൊള്ളണമേ. പിതാവായ ദൈവത്തിന്റെ വലത്തുഭാഗത്തു ഇരിക്കുന്നവനേ, ഞങ്ങളോടു കരുണയുണ്ടാകണമേ.

നീ മാത്രമല്ലോ പരിശുദ്ധൻ, നീ മാത്രം കർത്താവ്; മശിഹായേ, നീ മാത്രം പരിശുദ്ധാത്മാവിനോടുകൂടെ പിതാവായ ദൈവത്തിന്റെ മഹത്വത്തിൽ മഹോന്നതനാകുന്നു. ആമെൻ.”

കർത്താവേ, ഞങ്ങളോടു കരുണയുണ്ടായി ഈ കല്‌പനയെ കാക്കുവാൻ ഞങ്ങളുടെ ഹൃദയങ്ങളെ വണക്കേണമേ.

സ്വർഗസ്ഥ പിതാവേ, ഞങ്ങൾ നിനക്കും ഞങ്ങളുടെ അയൽക്കാർക്കും വിരോധമായി പാപം ചെയ്തിരിക്കുന്നു എന്ന് ഏറ്റുപറയുന്നു; ഞങ്ങൾ പ്രകാശത്തിലല്ല, ഇരുട്ടില്ലത്രെ നടന്നിരിക്കുന്നതു. ഞങ്ങൾ കർത്താവിൻ്റെ നാമം ഉച്ചരിക്കുന്നെങ്കിലും ഞങ്ങൾ അനീതി വിട്ടകന്നിട്ടില്ല. ഞങ്ങളോടു കരുണയുണ്ടാകേണമേ. യേശുക്രി‌സ്തു നിമിത്തം ഞങ്ങളുടെ സകല പാപങ്ങളും ഞങ്ങളോടു ക്ഷമിക്കേണമേ. നിന്റെ പരിശുദ്ധാത്മാവിനാൽ ഞങ്ങളെ വെടിപ്പാക്കേണമേ. ഞങ്ങളുടെ മനസ്സാക്ഷികളെ ഉണർത്തേണമേ. മറ്റുള്ളവരോടു ഹൃദയപൂർവ്വം ക്ഷമിക്കുവാൻ ത പ്രാപ്‌തി ഞങ്ങൾക്കു നൽകേണമേ.

നിന്റെ നാമത്തിന്റെ മഹത്വത്തിനായി ജീവൻ്റെ പുതുക്കത്തിൽ മേലാൽ നിന്നെ സേവിക്കുവാൻ ഞങ്ങൾക്കു കൃപ നൽകേണമെന്നു ഞങ്ങളുടെ കർത്താവായ യേശുക്രിസ്‌തു മൂലം ഞങ്ങൾ അപേക്ഷിക്കുന്നു. ആമെൻ.

ആമെൻ, ദൈവമേ, നിനക്കു സ്തോത്രം.

ശുശ്രൂഷകന്‍: കർത്താവു നിങ്ങളോടുകൂടെ ഇരിക്കട്ടെ.

ജനങ്ങള്‍: നിങ്ങളോടുകൂടെയും.

ശുശ്രൂഷകന്‍: നമുക്കു പ്രാർത്ഥിക്കാം.

LESSON — OLD TESTAMENT

Congregation: ദൈവമേ, നിനക്കു സ്തോത്രം ഉണ്ടാകട്ടെ.

Psalm (Read Responsively)

Second Lesson

Congregation: ദൈവമേ, നിനക്കു സ്തോത്രം ഉണ്ടാകട്ടെ.

Gospel

Congregation: ക്രിസ്‌സ്തുവേ, നിനക്കു സ്തുതി ഉണ്ടായിരിക്കട്ടെ.

Hymn

Sermon

സർവ്വശക്തിയുള്ള പിതാവായി, ആകാശത്തേയും ഭൂമിയെയും കാണപ്പെടുന്നവയും കാണപ്പെടാത്തവയുമായുള്ള സകലത്തെയും സൃഷ്ടിച്ചവനായ ഏകദൈവത്തിൽ ഞാൻ വിശ്വസിക്കുന്നു.

ദൈവത്തിന്റെ ഏകജാതനായ പുത്രനായി, ഏകകർത്താവായ യേശുക്രിസ്‌തുവിലും ഞാൻ വിശ്വസിക്കുന്നു;

അവൻ സർവ്വലോകങ്ങൾക്കും മുമ്പെ തൻ്റെ പിതാവിൽ നിന്നു ജനിപ്പിക്കപ്പെട്ടവൻ. ദൈവത്തിൽനിന്നു ദൈവം, പ്രകാശത്തിൽനിന്നു പ്രകാശം, സത്യദൈവത്തിൽനിന്നു സത്യദൈവം, ജനിപ്പിക്കപ്പെട്ടവൻ, ഉണ്ടാക്കപ്പെട്ടവനല്ല. പിതാവിനോട് ഏകത്വമുള്ളവൻ, അവനാൽ സകലവും ഉണ്ടായി, അവൻ മനുഷ്യരായ നമുക്കും നമ്മുടെ രക്ഷയ്ക്കുംവേണ്ടി സ്വർഗത്തിൽനിന്ന് ഇറങ്ങി, പരിശുദ്ധാത്മാവിനാൽ കന്യകമറിയയിൽനിന്ന് അവതരിച്ചു മനുഷ്യനായിത്തീർന്നു. പൊന്തിയോസ് പീലാത്തോസിൻ്റെ കീഴിൽ നമുക്കുവേണ്ടി ക്രൂശിക്കപ്പെട്ടു.

അവൻ കഷ്ടപ്പെട്ടു, അടക്കപ്പെട്ടു, തിരുവെഴുത്തുകളിൻപ്രകാരം മൂന്നാംദിവസം ഉയിർത്തെഴുന്നേറ്റു, സ്വർഗത്തിലേക്കു കയറി, പിതാവിൻ്റെ വലത്തുഭാഗത്ത് ഇരിക്കുന്നു. അവൻ ജീവനുള്ളവരെയും മരിച്ചവരെയും ന്യായം വിധിപ്പാൻ മഹത്വത്തോടെ വീണ്ടും വരും; അവന്റെ രാജ്യത്തിന് അവസാനം ഉണ്ടാകയില്ല. കർത്താവും ജീവിപ്പിക്കുന്നവനും, പിതാവിൽനിന്നും പുത്രനിൽനിന്നും പുറപ്പെടുന്നവനും പിതാവിനോടും പുതനോടുംകൂടെ വന്ദിക്കപ്പെട്ടു മഹത്വപ്പെടുന്നവനും, പ്രവാചകരെക്കൊണ്ടു പറയിച്ച‌വനുമായ പരിശുദ്ധാത്മാവിലും ഞാൻ വിശ്വസിക്കുന്നു.

കാതോലികവും അപ്പൊസ്തലികവുമായ ഏക വിശുദ്ധസഭയിലും ഞാൻ വിശ്വസിക്കുന്നു. പാപമോചനത്തിനുള്ള ഏകബപ്‌തീസ്‌മയെ ഞാൻ അനുസരിക്കുന്നു. മരിച്ചവരുടെ പുനരുത്ഥാനത്തിനും വരുവാനുള്ള ലോകത്തിലെ ജീവനും ഞാൻ കാത്തിരിക്കുന്നു.

ആമെൻ.

മേലിൽനിന്നുള്ള സമാധാനത്തിനുവേണ്ടിയും നമ്മുടെ ആത്മാക്കളുടെ രക്ഷയ്ക്കുവേണ്ടിയും നമുക്കു കർത്താവിനോടു പ്രാർത്ഥിക്കാം.

കർത്താവേ, കരുണയുണ്ടാകണമേ.

ലോകസമാധാനത്തിനുവേണ്ടിയും, ദൈവത്തിന്റെ വിശുദ്ധസഭയുടെ ക്ഷേമത്തിനുവേണ്ടിയും, സകല മനുഷ്യരുടെയും ഐക്യത്തിനുവേണ്ടിയും നമുക്കു കർത്താവി നോടു പ്രാർത്ഥിക്കാം.

കർത്താവേ, കരുണയുണ്ടാകണമേ.

സഭാമേലദ്ധ്യക്ഷന്മാർക്കുവേണ്ടിയും, എല്ലാ ശുശ്രൂഷകർക്കുവേണ്ടിയും, വിശേഷാൽ …….എന്ന നമ്മുടെ മോഡറേറ്റർക്കുവേണ്ടിയും. …..എന്ന ഉത്തരേന്ത്യാ സഭ മോഡറേറ്റർക്കുവേണ്ടിയും. …..എന്ന മാർത്തോമ്മാ സഭയുടെ മെത്രാപ്പോലീത്തായ്ക്കുവേണ്ടിയും……….. എന്ന നമ്മുടെ ബിഷപ്പിനുവേണ്ടിയും, അവർ ശുദ്ധഹൃദയത്തോടും നല്ല മനസ്സാക്ഷിയോടുംകൂടെ തങ്ങളുടെ ശുശ്രൂഷയെ നിവർത്തിക്കേണ്ടതിനും നമുക്കു കർത്താവിനോടു പ്രാർത്ഥിക്കാം

കർത്താവേ, കരുണയുണ്ടാകണമേ.

നമ്മുടെ രാജ്യത്തെ എല്ലാ ഭരണകർത്താക്കൾക്കുവേണ്ടിയും, അധികാരത്തിലുള്ള മറ്റെല്ലാവർക്കുവേണ്ടിയും നമുക്കു കർത്താവിനോടു പ്രാർത്ഥിക്കാം.

കർത്താവേ, കരുണയുണ്ടാകണമേ.

രോഗികൾക്കും കഷ്‌ടപ്പെടുന്നവർക്കും ദുഃഖിതർക്കും മരിക്കാറായവർക്കുംവേണ്ടി നമുക്കു കർത്താവിനോടു പ്രാർത്ഥിക്കാം.

കർത്താവേ, കരുണയുണ്ടാകണമേ.

അഗതികൾക്കും വിശന്നിരിക്കുന്നവർക്കും അനാഥർക്കും വിധവമാർക്കും പീഡ അനുഭവിക്കുന്നവർക്കും വേണ്ടി നമുക്കു കർത്താവിനോടു പ്രാർത്ഥിക്കാം.

കർത്താവേ, കരുണയുണ്ടാകണമേ.

അന്ധകാരത്തിൽനിന്നു തൻറെ അത്ഭുതപ്രകാശത്തിലേക്കു നമ്മെ വിളിച്ചവൻ്റെ സദ്ഗുണങ്ങൾ ഘോഷിക്കുവാൻ നമുക്കുവേണ്ടിയും ക്രിസ്‌തുവിൻ്റെ നാമം ഏറ്റുപറയുന്ന ഏവർക്കുവേണ്ടിയും നമുക്കു കർത്താവിനോടു പ്രാർത്ഥിക്കാം.

കർത്താവേ, കരുണയുണ്ടാകണമേ.

ഈ ഭൂമിയിൽ ദൈവത്തെ സേവിച്ചു, ഇപ്പോൾ വിശ്രമിക്കുന്ന എല്ലാ ദൈവഭ്യത്യരോടുംകൂടെ തൻ്റെ അന്തമില്ലാത്ത സന്തോഷത്തിന്റെ പൂർണ്ണതയിലേക്കു പ്രവേശിക്കുന്നതിനായി നമുക്കു കർത്താവിനോടു പ്രാർത്ഥിക്കാം.

കർത്താവേ, കരുണയുണ്ടാകണമേ.

യേശുവേ, ശ്രേഷ്‌ഠമഹാപുരോഹിതനായുള്ളാവേ, നിന്റെ ശിഷ്യന്മാരുടെ നടുവിൽ നീ സന്നിഹിതനായിരുന്നതുപോലെ ഞങ്ങളുടെ മദ്ധ്യത്തിലും വന്ന് അപ്പം നൂറുക്കുന്നതിൽ നിന്നെത്തന്നെ ഞങ്ങൾക്കു വെളിപ്പെടുത്തിത്തരേണമെന്നു പിതാവിനോടും പരിശുദ്ധാത്മാവിനോടും കൂടെ ഏകദൈവമായി കാലാവസാനംകൂടാതെ ജീവിച്ചു വാഴുന്ന നിന്നോടു ഞങ്ങൾ അപേക്ഷിക്കുന്നു. ആമെൻ.

ശുശ്രൂഷകന്‍: കർത്താവ് നിങ്ങളോടുകൂടെ ഇരിക്കട്ടെ.

ജനങ്ങള്‍: നിങ്ങളോടുകൂടെയും.

ശുശ്രൂഷകന്‍: നിങ്ങളുടെ ഹൃദയങ്ങളെ ഉയർത്തുവിൻ.

ജനങ്ങള്‍: ഞങ്ങൾ അവയെ കർത്താവിങ്കലേക്ക് ഉയർത്തുന്നു.

ശുശ്രൂഷകന്‍: നമ്മുടെ ദൈവമായ കർത്താവിനു നമുക്കു സ്തോത്രം ചെയ്യാം.

ജനങ്ങള്‍: അങ്ങനെ ചെയ്യുന്നതു യുക്തവും ന്യായവും ആകുന്നു.

അതുകൊണ്ടു ദൈവദൂതന്മാരോടും പ്രധാന ദൈവദൂതന്മാരോടും സ്വർഗത്തിലെ സകല സംഘത്തോടുംകൂടെ ഞങ്ങൾ എപ്പോഴും നിന്നെ ‌സ്തുതിച്ചും, സൈന്യങ്ങളുടെ ദൈവമായ കർത്താവ് പരിശുദ്ധൻ, പരിശുദ്ധൻ, പരിശുദ്ധൻ; ആകാശവും ഭൂമിയും നിൻ്റെ മഹത്വംകൊണ്ടു നിറഞ്ഞിരിക്കുന്നു. മഹോന്നതനായ കർത്താവേ, നിനക്കു മഹത്വം എന്നു ചൊല്ലിയും നിൻ്റെ മഹത്വമുള്ള നാമത്തെ പുകഴ്ത്തി മഹത്വപ്പെടുത്തത്തുന്നു. ആമെൻ. കർത്താവിൻ്റെ നാമത്തിൽ വന്നവനും വരുവാനിരിക്കുന്നവനും വാഴ്ത്തപ്പെട്ടവനാകുന്നു. ഉന്നതങ്ങളിൽ സ്തുതി.

സ്വർഗസ്ഥനായ ഞങ്ങളുടെ പിതാവേ, നിൻ്റെ നാമം വിശുദ്ധീകരിക്കപ്പെടണമെ; നിന്റെ രാജ്യം വരേണമെ; നിന്റെ ഇഷ്ടം സ്വർഗത്തിലെപ്പോലെ ഭൂമിയിലും ആകണമെ; ഞങ്ങൾക്ക് ആവശ്യമുള്ള ആഹാരം ഇന്നു തരണമെ; ഞങ്ങളുടെ കടക്കാരോടു ഞങ്ങൾ ക്ഷമിച്ചിരിക്കുന്നതുപോലെ ഞങ്ങളുടെ കടങ്ങൾ ഞങ്ങളോടും ക്ഷമിക്കണമെ. ഞങ്ങളെ പരീക്ഷയിൽ കടത്താതെ ദുഷ്‌ടങ്കൽ നിന്നും ഞങ്ങളെ വിടുവിക്കണമെ. രാജ്യവും ശക്തിയും മഹത്വവും എന്നേക്കും നിനക്കുള്ളതല്ലോ. ആമെൻ.

കരുണയുള്ള കർത്താവേ, ഞങ്ങൾ നിൻ്റെ പല വിധമായുള്ള വലിയ കരുണകളിൽ അല്ലാതെ ഞങ്ങളുടെ സ്വന്ത നീതിയിൽ ആശ്രയിച്ചുകൊണ്ടു നിൻ ഈ മേശയിങ്കലേക്കു വരുവാൻ തുനിയുന്നില്ല. ഞങ്ങൾ നിന്റെ മേശയിൽ നിന്നു വീഴുന്ന അപ്പനുറുക്കുകൾപോലും അനുഭവിക്കുവാൻ യോഗ്യതയുള്ളവരല്ല, എന്നാൽ നീ എപ്പോഴും കരുണ ചെയ്യുന്ന സ്വഭാവമുള്ള കർത്താവുതന്നെ ആകുന്നു.

അതുകൊണ്ടു കൃപയുള്ള കർത്താവേ, ഞങ്ങളുടെ പാപശരീരങ്ങളും ആത്മാക്കളും നിന്റെ ഇഷ്ടപുത്രനായ യേശുക്രിസ്തുവിന്റെ ഏറ്റവും വിലയേറിയ ശരീരത്താലും രക്തത്താലും ശുദ്ധീകരിക്കപ്പെടുവാനും ഞങ്ങൾ അവനിലും അവൻ ഞങ്ങളിലും എപ്പോഴും വസിക്കുവാനും ഞങ്ങൾ അവന്റെ മാംസം ഭക്ഷിയും അവൻ്റെ രക്തം കുടിക്കയും ചെയ്യേണ്ടതിനു ഞങ്ങൾക്കു കൃപ തരേണമേ. ആമെൻ.

സർവ്വശക്തനായ ദൈവമേ, സ്വർഗസ്ഥപിതാവേ, നിന്റെ വാത്സല്യപുത്രനും ഞങ്ങളുടെ കർത്താവുമായ യേശുമശിഹായിൽ ഞങ്ങളെ നിൻ്റെ മക്കളായി നീ സ്വീകരിച്ചിരിക്കുന്നുവല്ലോ. അവൻ്റെ മഹാ വിലയേറിയ ശരീരവും രക്തവുമാകുന്ന ആത്മീയ ആഹാരംകൊണ്ടു നീ ഞങ്ങളെ പോഷിപ്പിച്ചു, ഞങ്ങൾക്കു പാപമോചനവും നിത്യജീവനെക്കുറിച്ചുള്ള വാഗ്ദാനവും നൽകിയിരിക്കുന്നു. നിൻ്റെ ഈ വിലതീരാത്ത ഉപകാരങ്ങൾക്കായി ഞങ്ങൾ നിനക്കു സ്തോത്രം ചെയ്‌തു നിന്നെ ‌സ്തുതിക്കുന്നു. ഞങ്ങൾ ഞങ്ങളെത്തന്നെ—ഞങ്ങളുടെ ശരീരങ്ങളും ആത്മാക്കളും ജീവനും വിശുദ്ധിയുമുള്ള യാഗമായി നിനക്കു സമർപ്പിക്കുന്നു.

അതാകുന്നുവല്ലോ ഞങ്ങളുടെ ഏറ്റവും ഉചിതമായ ആരാധന. ഞങ്ങൾ ഈ ലോകത്തിന് അനുരൂപരാകാതെ, നല്ലതും പൂർണ്ണവുമായ ദൈവഹിതം ഇന്നതെന്നു തിരിച്ചറിയേണ്ടതിനായി മനസ്സു പുതുക്കി രൂപാന്തരപ്പെടേണ്ടതിനു സഹായിക്കേണമേ. അങ്ങനെ ഞങ്ങൾ ഭൂമിയിൽ നിന്നെ അനുസരിച്ച് ഒടുവിൽ നിൻ്റെ സ്വർഗീയ രാജ്യത്തിൽ നിൻ്റെ സകല വിശുദ്ധരോടുംകൂടെ സന്തോഷിക്കേണ്ടതിനു കൃപയരുളണമെന്നും നിന്നോടപേക്ഷിക്കുന്നു. അവൻ നിന്നോടും പരിശുദ്ധാത്മാവിനോടുംകൂടെ എന്നേക്കും ഏകദൈവമായി ജീവിച്ചുവാഴുന്നുവല്ലോ. ആമേൻ.

സർവ്വശക്തനും നിത്യനുമായ ദൈവമേ, ഈ വിശുദ്ധ മർമ്മങ്ങൾ ക്രമമായി കൈക്കൊണ്ടിരിക്കുന്ന ഞങ്ങളെ നിൻ്റെ പുത്രനും ഞങ്ങളുടെ രക്ഷിതാവുമായ യേശുമശിഹായുടെ മഹാ വിലയേറിയ ശരീരവും രക്തവുമാകുന്ന ആത്മീയ ആഹാരംകൊണ്ടു പോഷിപ്പിക്കുവാൻ നിനക്ക് ഇഷ്ടം തോന്നുകകൊണ്ടു ഞങ്ങൾ നിനക്കു സ്തോത്രം ചെയ്യുന്നു. അതിനാൽ ഞങ്ങളിലേക്കു നിനക്കുള്ള കൃപയെയും നന്മയെയുംകുറിച്ചു നീ ഞങ്ങൾക്ക് ഉറപ്പു നൽകിയിരിക്കുന്നതിനായും ഞങ്ങൾ നിന്നെ വാഴ്ത്തുന്നു.

ഞങ്ങൾ സകല വിശ്വാസികളുടെയും അനുഗ്രഹിക്കപ്പെട്ട കൂട്ടമായ നിൻ്റെ പുത്രൻ്റെ ജ്ഞാനശരീരത്തിലേക്കു ചേർക്കപ്പെട്ട സാക്ഷാൽ അവയവങ്ങളാകുന്നുവല്ലോ. നിന്റെ ഇഷ്ടപുത്രൻ്റെ മഹാവിലയേറിയ മരണത്തിൻ്റെയും കഷ്ടപ്പാടിന്റെയും പുണ്യങ്ങൾമൂലം ആശയാൽ ഞങ്ങൾ നിന്റെ നിത്യരാജ്യത്തിന് അവകാശികളുമാകുന്നു. ഈ നിശ്ചയം ഞങ്ങൾക്കു നൽകിയിരിക്കുന്നതിനായി ഞങ്ങൾ നിനക്കു മനഃപൂർവ്വമായി സ്തോത്രം ചെയ്യുന്നു. അതുകൊണ്ടു കർത്താവേ, ഇവിടെ ഞങ്ങൾ ഞങ്ങളെത്തന്നെ—ഞങ്ങളുടെ ആത്മാക്കളും ശരീരങ്ങളും—വിവേകവും വിശുദ്ധിയും ജീവനുമുള്ള യാഗമായി നിനക്കു സമർപ്പിക്കുന്നു.

സ്വർഗസ്ഥപിതാവേ, ആ വിശുദ്ധ കൂട്ടായ്‌മയിൽ ഞങ്ങൾ നിലനിൽക്കുവാനായിട്ടും, ഞങ്ങൾ ചെയ്യേണ്ടതിനായി നീ ഒരുക്കിയിരിക്കുന്ന സകല സൽക്രിയകളെയും പ്രവർത്തിക്കുവാനായിട്ടും നിൻറെ കൃപകൊണ്ടു ഞങ്ങൾക്കു സഹായിക്കണമെന്നു ഞങ്ങളുടെ കർത്താവായ യേശുക്രിസ്തു മൂലം ഞങ്ങൾ നിന്നോട് അപേക്ഷിക്കുന്നു. അവനു നിന്നോടും പരിശുദ്ധാത്മാവിനോടുംകൂടെ സകല ബഹുമാനവും മഹത്വവും കാലാവസാനംകൂടാതെ ഉണ്ടായിരിക്കട്ടെ.

ആമെൻ, നമ്മുടെ ദൈവത്തിനു എന്നന്നേക്കും സ്‌തുതിയും മഹത്വവും ജ്ഞാനവും സ്തോത്രവും ബഹുമാനവും ശക്തിയും ബലവും ഉണ്ടായിരിക്കട്ടെ. ആമെൻ.

ശുശ്രൂഷകന്‍: കര്‍ത്താവ് നിങ്ങളോടുകൂടെ ഇരിക്കട്ടെ.

ജനങ്ങള്‍: നിങ്ങളുടെ ആത്മാവോടും കൂടെയും.

ശുശ്രൂഷകന്‍: നാം സമാധാനത്തോടെ പോകാം.

ജനങ്ങള്‍: കര്‍ത്താവിന്റെ നാമത്തില്‍ തന്നേ.